19 mart 2026-cı il tarixində Astara Pedaqoji Kollecində Novruz bayramı münasibətilə tədbir keçirildi. Tədbir ilk öncə Vətən uğrunda canından keçən şəhidlərimizin əziz xatirəsi bir dəqiqəlik sükutla yad edildi, himn səslənildi.
Tədbiri giriş sözü ilə kollecin direktoru, professor Kamran Kazımov açaraq qeyd etdi ki, Novruz xalqımızın mədəniyyətini, milli mənəvi dəyərlərini özündə əks etdirən, dünyaya tanıtdıran qədim el bayramıdır. Qədim tarixə malik Novruz həm də əcdadlarımızın bizə töhfəsi, onlardan qalan mirasdır. Tarixən milli düşüncə tərzinin və məfkurəsinin formalaşmasında, insanların yüksək əxlaqi dəyər və normalar çərçivəsində yaşamasında böyük rol oynayan Novruz bayramı özündə paklığı, mühüm insani dəyərləri tərənnüm edir. Varlığın yenidən canlanmasını müjdələyən Novruz əsrlər boyu həm də insanlarımızı işıqlı sabaha, xoşbəxt gələcəyə aparıb. Bu bayram sülh və əmin-amanlığın təmin olunması, insanlar arasında birlik və mehribanlığın möhkəmləndirilməsi, onların bir-birinə mərhəmət və diqqət göstərməsi kimi sağlam təməllər yaradıb.
Azərbaycana rəhbərliyinin birinci dövründə xalqımızın Ümummilli Lideri Heydər Əliyev sovet hakimiyyətinin qadağalarına baxmayaraq, milli ruhun yüksəlişinə təkan verən amillərə xüsusi hörmətlə yanaşmışdır. Milli adət-ənənələrimizə, o cümlədən Novruz bayramına yüksək qiymət verən Ulu Öndər Heydər Əliyev bu bayram haqqında demişdir: “Novruz xalqımızın əsrlərdən bəri qoruyub saxladığı və bütün dövrlərdə həmişə əziz tutduğu bayramlardan biridir. Onun tarixi də Azərbaycan xalqının tarixi kimi keşməkeşli, enişli-yoxuşlu olmuşdur. Bu ulu bayramın müstəqil respublikamızda dövlət səviyyəsində qeyd edilməsi öz milli köklərimizə, adət-ənənələrimizə, tarixi keçmişimizə dərin ehtiram bəslədiyimizi və sarsılmaz tellərlə bağlı olduğumuzu nümayiş etdirir”.
Novruzu milli-mənəvi dəyərlərimizin təcəssümü adlandıran, onun ölkəmizdə daim yüksək səviyyədə keçirilməsinə şərait yaradaraq yaddaşlardan silinməsinə imkan verməyən Ümummilli Liderimizin ən layiqli davamçısı möhtərəm Prezidentimiz cənab İlham Əliyevin və Azərbaycan Respublikasının Birinci vitse-prezidenti Mehriban xanım Əliyevanın hər il bayram şənliklərinə qatılması,işğaldan azad edilmiş torpaqlarda tonqalı alovlandırması bayram ovqatını daha da artırmaqla yanaşı, xalqlımızın dövlətimizin başçısının ətrafında bir yumruq kimi sıx birləşdiyini sübut edir.
Tədbirdə çıxış edənlər- Yeni Azərbaycan Partiyasının Astara rayon təşkilatının sədri Həbib Cəfərov, AstaraTəhsil Sektorunun müdiri Xədicə Əliyeva tədbir iştirakçılarını Novruz bayramı münasibətilə təbrik etdilər və vurğuladılar ki, Vətənimizin müstəqilliyi, ərazi bütövlüyümüz uğrunda qurban canından keçən şəhidlərimizin xatirəsini bu əziz bayram günlərində bir daha ehtiramla yad edilir.
Tələbələrin ifasında mahnı və rəqslərdən ibarət rəngarəng konsert proqramı, tələbələrin əl işlərindən ibarət sərgi, müəllim arasında şəkərbura bəzədilməsi üzrə maraqlı yarış bayram şənliyinin iştirakçılarında xoş ovqat yaradıb. Novruz bayramının əsas personajları olan Bahar qızı, Kosa və Keçəl öz maraqlı çıxışları ilə şənliyə xüsusi zövq qatıblar. Müəllimlər tədbirə milli geyimimizin ayrılmaz atributlarından olan kələğayı ilə qatılaraq bayrama xüsusi rəngvə gözəllik bəxş ediblər. Tonqalın qalanması tədbirəxüsusi coşqu qataraq bayram əhval-ruhiyyəsini daha dayüksəldib və iştirakçılar arasında unudulmaz xatirələr yaradıb.
Bayram ərəfəsində kollecin ictimai həyatında iştiakına görə fəqlənən tələbələr təltif olundular.
