Bu gün Astara Pedaqoji Kollecində xalqımızın qədim və ən əziz bayramlarından olan Novruz bayramı münasibəti ilə təntənəli bayram tədbiri keçirilib. Tədbir iştirakçıları öncə vətənimizin suverenliyi uğrunda canından keçən qəhrəman şəhidlərimizin əziz xatirəsini bir dəqiqəlik sükutla yad ediblər.
Kollecin direktoru, fil.e.d Kamran Kazımov tədbiri açıq elan edərək bildirib ki, Novruz xalqımızın mədəniyyətini, milli mənəvi dəyərlərini özündə əks etdirən, dünyaya tanıtdıran qədim el bayramıdır. Qədim tarixə malik Novruz bayramı həm də əcdadlarımızın bizə töhfəsi, onlardan qalan mirasdır.
O bildirib ki, builki Novruz bayramı Konstitusiyamızın bəyan etdiyi niyyətlərdən biri kimi ərazi bütövlüyümüzün və suverenliyimizin tam bərpa olunduğunu, 2025-ci ildə Konstitusiyamızın qəbul edilməsinin 30-cu və Vətən müharibəsində qələbəmizin 5-ci ildönümünə təsadüf edir. Biz Novruz bayramımızı daha şad və xoş əhval ruhiyyə ilə böyük arzumuz olan Şuşada cıdır düzündə qarşilayırıq. Artıq Novruz tonqalları mədəniyyət beşiyimiz olan Şuşamizda Xankəndimizdə Cəbrayılımızda köksü yaralı olan Xocalımızda və bütün doğma Qarabağımızda alovlanır.
44 günlük Vətən müharibəsi şəhidi Nurlan Rəhimlinin vətənə əmanət övladı Səidə Rəhimli rəqs nömrəsi ilə iştirakçıları salamlayıb.
Tədbirdə kollecin tələbələrinin ifasında milli-mənəvi dəyərlərimizin rəmzi sayılan rəqslərdən ibarət rəngarəng konsert proqramı bayram şənliyinin iştirakçılarında xoş ovqat yaradıb.
Novruz bayramının əsas personajları olan Kosa və Keçəl öz maraqlı çıxışları ilə şənliyə xüsusi zövq qatıblar.
Bayram şənliyi Kollecin həyətində alovlandırılan möhtəşəm Novruz tonqalının hərarəti onun ətrafına yığışan insanlar tərəfindən böyük coşğu ilə qarşılanıb.
